Расул С.А.В дын Табуктагы терең мазмундуу хутбасы

Байхакий «Далоил»де, ибн Асокир «Тарых» китебинде жана Хоким ибн Омиро Жухайнийден рыбаят кылып чыгарышкан, ал киши мындай дейт: Биз Табук казатында болгонубузда Расулулла с.а.в ды уйку тартты. Себеби, ал киши да түнкүсүн жүргөн эле. Күн найза бою көтөрүлгөнчө ойгонбоду. Ойгонгондо: «Эй Билал! Биз үчүн таңга чейин уктабай тур дебедим беле», – деди. Ошондо ал: «Я Расулулла, сизди тартып кеткен нерсе мени да тартып кетти», – деди. Ал зат азыраак жүрдү да, намаз окуду. Кийин Аллага хамду-санаа айтып мындай деди: «Амма баъд: сөздөрдүн ырасы – Алланын Китеби; туткалардын ишеничтүүсү – таква сөзү; улуттардын жакшысы – Ибрахимдин улуту; сүннөттөрдүн жакшысы – Мухаммаддын сүннөтү; сөздөрдүн даңктуусу – Алланын зикири; Кыссаларынын көркөмү – Куран; иштердин жакшысы – катъий буйрулгандары, иштердин жаманы – кийин пайда кылынгандары; жолдордун жакшысы – пайгамбарлар жолу; эң ардактуу өлүм – шейиттер өлүмү; сокурлуктардын ичиндеги эң жаман сокурлук – хидаяттан кийинки залалат; илимдердин жакшысы – пайдалуусу; хидаяттардын жакшысы – амал кылынганы; эң жаман көрдүк – дил көрдүгү; жогору кол – төмөн колдон жакшыраак; көп болуп чалгыта турган нерседен көрө аз болуп жетиштүү болгон нерсе жакшыраак; эң жаман үзүр – өлүм келген убакыттагысы, эң жаман өкүнүч – кыямат күнүндөгүсү; адамдар ичинде ушундайлары бар, намаздын жалаң акырына жетип келишет, жана дагы ушундайлары бар, Алланы кээ-кээде гана эстешет; эң улуу ката – жалган сүйлөөчү тил; эң жакшы байлык – дил байлыгы; эң жакшы азык – таква; хикматтын башы – Алладан коркуу; дилге орношкон эң жакшы нерсе – ыйман; күмөнсүрөө – куфрдан; өлгөнгө ыйлоо – жахилият амалынан; бөлүштүрүлбөгөн олжодон алуу – тозок таштарынан; канз (байлыкты сарптабастан жыйып коюу) – тозоктон болгон тамга; ыр – иблистин най-чоорлорунан; хамр (мас кылуучу ичимдик) – күнөөлөрдүн энеси; аялдар – шайтан тузактары; өспүрүмдүк – жиндиликтин бир бөлүгү; кирешелердин эң жаманы – сүткордук кирешеси; тамактардын эң жаманы – жетимдин малы; бактылуу – башкадан насааттанган киши; бактысыз – энесини курсагында бактысыз болгон кимсе; Баарыңар төрт кез жерге барасыңар. Иш – аягы менен; иштин маңызы – анын натыйжалары; рыбаяттар ичинен эң жаманы – жалган рыбаяттар; ар бир болочок нерсе – жакын; момунду акаарат кылуу – фасыктык, момун менен согуш кылуу – куфр, анын этин жеш – Аллага осий болуу, анын малы кудум каны сыяктуу арам; Кимде-ким Алланын үстүнө ант ичсе, Ал зат аны жалганчы кылат. Кимде-ким кечирсе, Алла аны кечирет. Кимде-ким афв кылса, Алла да аны афв кылат. Кимде-ким казабын токтотсо, Алла ага ажр берет. Кимде-ким чоң зыянга сабыр кылса, Алла ордун толтурат. Кимде-ким даңк таратмакчы болсо – Алла аны абройсуз кылат. Кимде-ким сабыр кылса, Алла дагы да сабырдуу кылат. Кимде-ким Аллага итаатсыздык кылса, Алла аны азаптайт. Илахым, мени жана үммөтүмдү кечиргин. Илахым, мени жана үммөтүмдү кечиргин. Илахым, мени жана үммөтүмдү кечиргин. Өзүмө жана силерге Алладан магфират сураймын…».